I gjithë debati publik që ndodhi më 6 maj 2022

I gjithë debati publik që ndodhi më 6 maj 2022

06.05.2022 23:46

Kjo rubrikë do të përcjellë direkt rrjedhën e debatit publik që ndodh në Internet. Në këtë përcjellje do të përfshihen të gjitha figurat e rëndësishme publike, por edhe qytetarë të rëndomtë kur marrin vëmendje publike.

Tjera nga autori:
<b></b> Latifi për angazhimet e partive në diasporë: Së shpejti krejt elektorati do jetë atje

Latifi për angazhimet e partive në diasporë: Së shpejti krejt elektorati do jetë atje

Gazeta Nacionale

2 muaj më parë

07:40

2 muaj më parë

07:40

Profesori i Filozofisë dhe analisti politik, Blerim Latfi, ka ngritur një disktutim të ri në sferën politike në vend.

Latifi ka komentuar tubimet e partive politike në Diasporë pasi që PDK e LDK janë angazhuar më shumë në atë drejtim.

Latifi me ironi ka thënë se është “punë me mend”, sepse së shpejti i gjithë elektorati i Kosovës do të ndodhet në diasporë duke aluduar në ikjen masive të kosovarëve në shtetet perëndimore.

Paskan dalë partitë nëpër diasporë me i konsolidu degët e tyre atje. Definitivisht punë me mend, sepse qysh janë duke shku punët këtu në Kosovë nuk do të jetë e largët dita kur krejt elektorati kosovar në diasporë do të ndodhet. Ndërsa degët e partive këtu do jenë vetëm seksione të degëve në diasporë.”, ka shkruar ai.

<b>Mirena:</b> Operimi i presidentes është çështje shtetërore, jo e familjeve Osmani e Sadriu

Mirena: Operimi i presidentes është çështje shtetërore, jo e familjeve Osmani e Sadriu

Gazeta Nacionale

2 muaj më parë

00:27

2 muaj më parë

00:27

Ilir Mirena ka reaguar pas raportimeve të mediave turke, ku thuhet se presidentja Osmani ka kryer një operim për humbje peshe.

Mirena, përmes një postimi në rrjetin social "Facebook", ka thënë se operimi i presidentes është çështje shtetërore e jo personale, përcjell Gazeta Nacionale.

"Në këto pyetje duhet të ketë përgjigjie prej saj. Sepse, operimi i Presidentes nuk është çështje private e familjes Osmani dhe Sadriu. Është çështje shtetërore…", ka shkruar mes tjerash ai.

Më poshtë edhe postimi i plotë.

/Nacionale/

<b>Latifi:</b>  Së shpejti krejt elektorati do të jetë në diasporë

Latifi: Së shpejti krejt elektorati do të jetë në diasporë

Anita Nikaj

2 muaj më parë

23:29

2 muaj më parë

23:29

Analisti dhe profesori, Blerim Latifi ka shkruar për angazhimin e partive politike për të konsoliduar degët dhe mobilizuar elektoratin në diasporë.

Latifi ka ironizuar më angazhimin e PDK-s dhe LDK-s, duke thëne se është “punë me mend”, sepse së shpejti i gjithë elektorati i Kosovës do të ndodhet në diasporë.

“Definitivisht punë me mend, sepse qysh janë duke shku punët këtu në Kosovë nuk do të jetë e largët dita kur krejt elektorati kosovar në diasporë do të ndodhet”, ka thëne Latifi

Analisti Latifi ka aluduar në trendin ikjeve masive që janë duke ndodhur viteve të fundit.

Trendi i ikjeve ka filluar të rritët, ku në një anketë më shumë se 50 përqind e qytetarëve të Republikës së Kosovës, kanë thëne se në mundësinë e parë do të largoheshin nga vendi.

Ndërsa vetëm në ambasadën Gjermane ka pasur më shumë se 200 mije aplikime vetëm për 4 muaj.

<b>Vehbi Kajtazi</b> ironizon me Pacollin e Rahimajn: Spanja s'ka më arsye që t'mos na njohë

Vehbi Kajtazi ironizon me Pacollin e Rahimajn: Spanja s'ka më arsye që t'mos na njohë

Muharrem Kafexhiu

2 muaj më parë

21:10

2 muaj më parë

21:10

Gazetari Vehbi Kajtazi është tallur me pankartën e mbajtur nga deputetja e VV-së, Fitore Pacolli dhe kreu i komunës së Kamenicës, Kadri Rahimaj, ku kërkohet nga Spanja që ta njohë Pavarësinë e Kosovës.

Përmes një postimi në rrjetin social "Twitter", Kajtazi ka thënë se pas kësaj thirrjeje, nuk ka më asnjë arsye që Spanja të mos na njohë, përcjell Gazeta Nacionale.

Më poshtë edhe postimi i plotë.

/Nacionale/

<b>Fevziu nga Haga:</b> Aktakuza ndaj krerëve të UÇK-së e pavërtetë dhe s’mund të vërtetohet

Fevziu nga Haga: Aktakuza ndaj krerëve të UÇK-së e pavërtetë dhe s’mund të vërtetohet

Muharrem Kafexhiu

2 muaj më parë

19:04

2 muaj më parë

19:04

Gazetari i njohur shqiptar, Blendi Fevziu, ka vizituar sot ish-udhëheqësit e UÇK-së, të cilën gjenden në paraburgim në Hagë.

Përmes një në video-mesazhi të postuar në profilin e tij në “Facebook”, ai ka thënë se në këtë trbunal padrejtësisht ndodhet Hashim Thaçi, Jakup Krasniqi, Kadri Veseli dhe Rexhep Selimi.

Ai ka thënë se aktakuza ndaj tyre është e pavërtetë dhe nuk mund të vërtetohet.

 “Pas kësaj dere ndodhen katër nga drejtuesit më të lartë të Ushtrisë Çlirimtare të Kosovës dhe katër nga drejtuesit e mëpasëm politikë të Kosovës së pavarur: Hashim Thaçi, Jakup Krasniqi, Kadri Veseli dhe Rexhep Selimi. Unë vizitova sot Hashim Thaçin, ish-president dhe ish-kryeministër i Kosovës. Shpreha bindjen që ka shprehur çdo shqiptar, që akuza ndaj tyre është e pavërtetë dhe nuk mund të vërtetohet. Është një akuzë e ngritur politikisht, por që nuk argumentohet. Ata po bëjnë sot betejën e tyre të dytë, pas betejës për pavarësinë e Kosovës, pas betejës për ta hequr zgjedhën serbe, e cila ka ngritur kaq varre masive në Kosovë”, ka thënë Fevziu në videomesazhin e tij.

<b>Asamblisti i AAK-së </b> e ministri Peci përplasen në komente: Të dy me gabime drejtshkrimore

Asamblisti i AAK-së e ministri Peci përplasen në komente: Të dy me gabime drejtshkrimore

Gazeta Nacionale

2 muaj më parë

16:48

2 muaj më parë

16:48

Ministri i Bujqësisë, Pylltarisë dhe Zhvillimit Rural, Faton Peci, këtë të shtunë, ka gjetur kohë të merret me komentuesit në statusin e tij në Facebook.

E një koment, që nuk i pëlqeu fare Pecit, qelloi të ishte nga njëri prej asamblistëve të Aleancës për Ardhmërinë e Kosovës [AAK] në Rahovec, Samir Mustafa.

Fillimisht, Peci e ktheu Selamiun në “grua” duke ia ndërruar seksin nga mosdija e ministrit në fushën gjuhësore. Nga "Selamiu", Peci shkruajti "Selamia".

Pastaj Peci duket se meqë s’ka ‘ç’ në tastierën angleze, as nuk e përdor fort. Në fjalën “veçantë”, Peci zgjedh ta shkruajë “veqant”.

Ama institucionin ekzekutiv që del ta drejtojë - “Ministrinë”, Peci nuk e di që në të pashquarën, ministria merr “ë” në fund.

“Bashkëngjitet”, Peci i Bujqësisë e shkruan “Bashkangjitet”, ndërsa një “t” e ka harruar tek fjala “dikujt”, ose s’e di se duhet t’ia BASHKËNGJISË në fund.

Ndërsa “t’i”, Peci ka zgjedhur ta bëjë përemër të vetës së dytë të njëjësit [ti].

Për më tepër, shihni fotografinë më poshtë:

<b></b> Nushi i quan servilë dy deputetë të VV-së: Cili në vendin e parë?

Nushi i quan servilë dy deputetë të VV-së: Cili në vendin e parë?

Gazeta Nacionale

2 muaj më parë

14:14

2 muaj më parë

14:14

Anëtari i Partisë Socialdemokrate, Nol Nushi ka ironizuar me dy deklarata të deputetëve të Vetëvendosjes.

Ai ka postuar në Facebook deklaratën e Arbër Rexhajt dhe Armend Mujës.

Rexhaj kishte thënë se Kurti ka vlera më të çmuara se veteranët e UÇK-së, kurse Muja i cili tha mbrëmë se Kurti do të përfundojë si lider i popullit.

Nushi ka ironizuar duke thënë se të dy, do të kishin një garë se cili është më servil.

“Nese kish pase garë ku matet servilizmi ndaj liderit te partisë, Arbëri me Armendin ishin shty fyt'a'fyt per vend të parë!”, ka shkruar Nushi në facebook.

<b>Zyrtari i PDK-së</b> për foton e Kurtit me Vuçiqin: U zhvlerësua Kosova

Zyrtari i PDK-së për foton e Kurtit me Vuçiqin: U zhvlerësua Kosova

Gazeta Nacionale

2 muaj më parë

12:46

2 muaj më parë

12:46

Zyrtari i PDK-së, Betim Gjoshi, ka adresuar kritika të ashpra ndaj kryeministrit Kurti për fotografinë e përbashkët me presidentin serb, Aleksander Vuçiq, emisarin Lajçak si dhe dy zyrtarët gjermanë në Berlin.

Gjoshi në një postim në Facebook e ka quajtur atë “fotografi të nënshtrimit” të kryeministrit të Kosovës përballë presidentit serb.

Sipas tij, Kurti nuk do të duhej të pranonte të dilte në një foto si kjo, ngase sipas Gjoshit, pozicioni që i është dhënë president serb, është zhvlerësim i pozicionit të Kosovës.

Postimi i plotë i Gjoshit:

Kjo është një fotografi e nënshtrimit të Kryeministrit të Kosovës përballë Presidentit të Serbisë.

Albin Kurti, kurrsesi nuk do të duhej të pranonte të dilte në një foto si kjo.

Pozicioni që i është dhënë presidentit serb është zhvlerësim i pozicionit të Republikës së Kosovës.

Nga deklaratat e shumta se Kosova do të llogaritet palë e barabartë në dialog, Kurti ka përfunduar në krahë të Vuçiqit.

<b></b> Eurodeputeti nga Austria ia kërkon Vuçiqit njohjen e Kosovës

Eurodeputeti nga Austria ia kërkon Vuçiqit njohjen e Kosovës

Gazeta Nacionale

2 muaj më parë

11:49

2 muaj më parë

11:49

Lucas Mandl, eurodeputet nga Austria, po kërkon njohjen e Kosovës nga Serbia.

Madje, ai ka thënë se hapi i parë që Beogradi duhet të dëshmojë rrugën evropiane, është që ta njohë Kosovën.

“Asnjëherë nuk e dija se do të kishte një alternativë për evropianët (në këtë rast në Serbi), në rrugën drejt Serbisë. Por, mirë nëse Vuçiq kujtohet tash. Hapi i parë i kësaj ‘përvoje të Damaskut’ duhet të jetë njohja e shtetit më të ri të Evropës, Republikës së Kosovës, pa vonesa të mëtejshme”, thuhet në postimin në Twitter.

Ky qëndrim është përkrahuar edhe nga raportuesja për Kosovën, Viola Von Cramon.

 

 

<b></b> Zëdhënësi i KEDS-it bëhet pak analist, thotë se Kurti është politikan i mençur

Zëdhënësi i KEDS-it bëhet pak analist, thotë se Kurti është politikan i mençur

Gazeta Nacionale

2 muaj më parë

10:27

2 muaj më parë

10:27

Nëpër media shfaqet shpesh, por si zëdhënës i KEDS-it.

Viktor Buzhala kohëve të fundit i ka shpeshtuar edhe qëndrimet politike, për zhvillime të ndryshme në vend.

Së fundi, ai i ka dalur në mbrojtje edhe kryeministrit Albin Kurti, pas takimit me presidentin serb Aleksandër Vuçi.

Madje, për Kurtin ka dhënë epitet se është shqiptar i mençur.

“Krejt Serbia u çu ne kambe tu e akuzu presidentin e vet pse nejti me kryeministrin tone. U detyru Vuçiqi me iu perbe serbeve qe jo vetem s'ka pi me Albin Kurtin, por s'ia ka dhene as doren asnjehere. Nderkohe, kur Vuçiqi rrinte me teper me Hashim Thaçin se me familje te vet, pike problemi nuk e kishin. Te mos harrojme qe Thaçi udhehiqte dikur ushtrine qe i kishte mposhtur ata.  Por, duket qe serbet nuk i kane problem shqiptaret qe i luftojne. I kane problem shqiptaret e mençur”, ka shkruar Buzhala.

 

<b></b> Mirena: Luan Haradinaj paska qenë veç dy vjet më i vjetër se Kurti në luftë

Mirena: Luan Haradinaj paska qenë veç dy vjet më i vjetër se Kurti në luftë

Flakon Demaku

2 muaj më parë

23:53

2 muaj më parë

23:53

Analisti Ilir Mirena përmes një potimi në Facebook ka sjellur në vëmendje një detaj interesant lidhur me moshën e Heroit Luan Haradinaj dhe kryeministrit Kurti.

Mirena shkroi se Kryeministri aktual i Kosovës është vetëm dy vite me i ri se sa Luan Haradinaj.

“Heroi i Kosoves, Luan Haradinaj paska qenë vetëm dy vjet më i vjetër në moshë se sa Albin Kurti”, shkroi Mirena.

Postimi:

Sot mbushen 23 vjet nga rënia e ushtarit Luan Haradinaj në njërën prej betejave të para të UÇK-së kundër forcave pushtuese serbe më 6 maj 1997, gjashtë muaj para se UÇK-ja të dalë në skenë.

Kujtojmë që në mesin e listave 'të fryera' të veteranëve të UÇK-së figuron edhe emri i kryeministrit të Kosovës, Albin Kurti.

<b></b> Ibrahimi për Kurtin: Gatimshëria për një marrëveshje finale me Serbinë do të ishte lidershipi që na nevojitet

Ibrahimi për Kurtin: Gatimshëria për një marrëveshje finale me Serbinë do të ishte lidershipi që na nevojitet

Flakon Demaku

2 muaj më parë

23:52

2 muaj më parë

23:52

Analisti Ilir Ibrahimi ka thënë se në kuadër të udhëtimit të kryeministrit Kurti në SHBA, ideale do të ishte nëse ai do të tregonte vullnet për një marrëveshje të mundshme finale me Serbinë duke bërë të qartë gatishmërinë e tij me një deklaratë.

“Sa mirë do të ishte sikur kryeministri Kurti, gjatë qëndrimit të tij në Amerikë, të ofrojë një plan konkret, me vullnetin e paekuivok për të arritur një marrëveshje finale me Serbinë, të ofrojë bashkpunimin e plotë nën një lidership të SHBA, dhe ti deklarojë të gjitha këto në një takim të nivelit adekuat në Ëashington”, shkroi Ibrahimi.

Ndër të tjera, Ibrahimi shkroi se duke bërë këtë gjë, Kurti do të tregonte lidershipin e nevojshëm.

“Ky do të ishte lidershipi që do ta dëshiroja dhe ky është lidershipi që na duhet”

“A mund të bëhet? Patjettër. Vetëm duhet pasur vullnet e guxim”, përfundoi ai.

Postimi i plotë:

<b></b> Edhe një mjek ik nga Kosova: Kurrë se mendova largimin, por gjendja është e rëndë

Edhe një mjek ik nga Kosova: Kurrë se mendova largimin, por gjendja është e rëndë

Flakon Demaku

2 muaj më parë

23:48

2 muaj më parë

23:48

Ikja e mjekëve tashmë është kthyer në një fenomen të hidhur për Kosovën. Aq e madhe është largimi i mjekëve, sa që tashmë është alarmuar se Kosova mund të mbetet pa mjekë e infermierë në dhjetë vitet e ardhshme.

Vetëm brenda dy muajve të parë të këtij viti, siç ka raportuar kohë më parë Gazeta Nacionale, nga Kosova janë larguar hiç më pak se 45 mjekë.

Përderisa në tri vitet e fundit kosovarët janë braktisur nga plot 538 mantelbardhë.

Karvanit të ikjes, i është bashkuar edhe mjeku Flamur Llabjani. Në një postim në profilin e tij në Facebook, Llabjani ka shkruar se që nga sot ai do të vazhdojë karrierën prej mjeku në Gjermani.

Ai ka thënë se kurrë nuk e ka menduar ikjen nga vendlindja, por që një vendim i tillë erdhi si pasojë e gjendjes së shëndetësisë në Kosovë.

Largimi nga vendlindja asnjëherë nuk ishte në mendjen time, aq më pak për një mjek që bën 25 vite shkollim, ka misionin e tij fisnik dhe pranoi betimin e Hipokratit. Por, duke u ballafaquar me gjendjen e shëndetësisë sonë, e cila çdo ditë e me shumë vetëm sa po "sëmuret" dhe ku një mjek specialist pas gjithë atyre viteve mundi dhe sakrifice, gjithmonë jashtë shtëpisë dhe larg familjarëve më të dashur, duhet të pres me vite të tëra për një vend pune dhe kushte të cilat lënë shumë për të dëshiruar. E kjo besoj që nuk është larg mendsh që shumica dëshirojnë të largohen”, ka shkruar Llabjani.

Shkrimi i tij i plotë:

1
1