Opinionisti Ermal Sadiku, nëpërmjet një postimi në rrjetin social “Facebook”, ka ‘kërkuar’ pasaportë diplomatike, duke përmendur rastin e Valdrin Sahitit.

Ai tha se Sahiti ka qepur fustana, kurse ai bën punë “100 herë më me vlerë intelektuale”.

“Une punoj softëare per BMW, Lufthansa, Mercedes edhe Apple. A bon nje pasaporte diplomatike edhe mu? Nja 100 here ma me vlere intelektuale, akademike e patriotike.” , ka shkruar ndër të tjera Sahiti.

Aktivisti i shoqërisë civile, Rron Gjinovci, ka kritikuar kryetarin e Kuvendit të Kosovës, Glauk Konjufca, për vizitën që po e realizon sot në Hagë për t’i takuar krerët e UÇK-së që gjenden në paraburgim.

Në profilin e tij në “Facebook”, kjo vizitë tregon se pse formimi i Gjykatës Speciale ka qenë i nevojshëm.

Sipas tij, kjo vizitë është një budallaki e radhës nga ana e Konjufcës.

“Vizita e Glauk Konjufcës në Hagë është saktësisht vërtetim i dyshimeve ndërkombëtare për paaftësinë e drejtësisë, por edhe të shoqnisë kosovare për gjykimin fer e të paanshëm të të dyshuarëve në territor të Kosovës. Kjo është dëshmi që paska pasë nevojë për këtë gjykatë saktësisht siç është ba, pra jashtë Kosovës, sepse në Kosovë nuk paska kushte për gjykim të tyne mbasi Kryetari i Kuvendit hapur del kundër institucioneve të drejtësisë. Kryetari dhe shumica në Kosovë nuk e kuptojnë edhe mbas kaq vitesh që Gjykata Speciale është e formume simbas Kushtetutës së Kosovës dhe është fund e krye e Kosovës. Si rrjedhojë nuk mundet Kryetari i Kuvendit me sfidu sistemin e drejtësisë në këtë mënyrë. A është normale Kryetari i Kuvendit me vizitu ndoj të paraburgosun në Dubravë pavarësisht a del apo jo i paraburgosuni i fajshëm a i pafajshëm n'fund?”, ka shkruar Gjinovci.

Partia Socialdemokrate, ka ironizuar skajshëm duke publikuar disa posterë në rrjetin social facebook.

Anëtari i kësaj partie, Nol Nushi ka publikuar disa fotografi ku shihet ironia me organizimin e një festivali të quajtur “Marigona Hill”.

Nëpër posterë, PSD-ja ka vendosur emrat e disa prej zyrtarëve të lartë të VV-së e Qeverisë, duke ua vendosur nga një nofkë.

Kryeministrin e kanë prezantuar si “Big Fraud”, ministrin Liburn Aliu si “Dj Daja”, zv/ministrin Blerim Sallahu si “Oil Speed” etj.

POSTIMI:

Ehat Miftaraj drejtor i Institutit të Kosovës për Drejtësi, ka thënë se opinionet e Komisionit të Venecias për Vetting dhe Konfiskim të Pasurisë, po lexohen ndryshe nga politika.

Ai ka thënë se Vettingu është përkrahur nga Venecia, por jo siç kishte kërkuar në fillim qeveria.

POSTIMI:

Jane dy opinione te Komisionit te Venecias, nje per Vetting dhe nje per Byro.

Interesant sesi te njejtat dokumente, lexohen dhe kuptohen ndryshe nga politika, ndryshe nga juristet.

Vetting po, por Jo si eshte kerkuar. Sidoqofte, fillim i mirë, dhe tash kërkesa te zbatohet ne praktike pike per pike sipas rekomandimeve ne opinion. Sfida, te binden partneret nderkombetare dhe konsensus politik.

Byroja Jo si eshte propozuar. Propozimi i qeverisë të meta te medha qe cenojne sigurine juridike, cenojne sistemin aktual, cenon te drejtat dhe lirite themelore, sipas Komisionit te Venecias.

Ish-këshilltari i Hashim Thaçit, Artan Behrami, ka reaguar pas vizitës së kryeparlamentarit Glauk Konjufca në Hagë, për t’i vizituar krerët e UÇK-së.

Në profilin e tij në “Facebook”, ai ka shkruar se Konjufca e ka kuptuar drejtën betejën e ish-luftëtarëve të UÇK-së në Hagë.

“Glauku e ka kuptuar drejt betejën në Hagë. Atje nuk po gjykohën individët, por lufta e popullit të Kosovës për liri dhe pavarësi. Jam i lumtur që padrejtësitë e Gjykatës Speciale më në fund kanë gjetur vëmendjen e institucioneve të Kosovës dhe përmes tyre edhe të mediave ndërkombëtare”, ka shkruar Behrami.

Anëtari i PSD-së, Nol Nushi ua ka kushtuar një postim në facebook veteranëve që po vdesin çdo ditë.

Ai e ka kritikuar ashpër edhe ministrin e Financave, Hekuran Murati, duke e quajtur “snob”. Kjo pasi Murati vendosi që veteranët të mos përfshihen në rritjen e pagës miminimale.

POSTIMI:

Veteranet e luftes vdesin cdo dite. Bashke me ta vdes edhe nje pjese historie e lavdishme, te cilen ne duhet ta mbajme gjalle.

Nderkohe veteranet qe jetojne, po enden zyrave e zvarriten shesheve ne pritje te kalkulimeve financiare te ministrave snoba qe luften clirimtare e shohin si zë buxhetor.

Veterani i luftes eshte kategori qe pergjate viteve zvogelohet. Prandaj atyre u duhen siguruar trajtim tash, sepse per cdo minut qe kalon, jemi vone.

Publicisti dhe gazetari kosovar, Baton Haxhiu, ka kritikuar institucionet e Kosovës për dhënien e pasaportës diplomatike për disenjatorit kosovar, Valdrin Sahiti.

Në kollume të tij për rrugëtimin politik të Mimoza Kusari-Lilës, ai ka shkruar së në Shqipëri nuk i është dhënë pasaportë diplomatike as mendjeve më të ndritura të letërsisë botërore si Ismail Kadare.

“Kur do t’ia tërheq Schwarz pasaportën diplomatike Valdrin Sahitit? Këtë pyetje mbase mund ta bëjë lirshëm, meqë jam i liruar nga interesi i nja 10-15 pijeve gratis çdo natë. Sa për ta shuar kureshtjen tuaj, as një nga mendjet më të ndritura të letërsisë botërore, Ismail Kadare, nuk e gëzon pasaportën diplomatike të Shqipërisë. Ndërsa, një shitës fustanesh me çmime të fryra në treg e gëzon atë të Kosovës”, ka shkruar Haxhiu.

Opinionisti Afrim Haliti ka ironizuar me fjalinë e kryeministrit Albin Kurti, i cili dje ka thënë se Ukshin Hoti është i zhdukuri maksimal.

Në profilin e tij në “FacebooK”, ai ka shkruar se ky vikend duhet të ketë maksimal.

“Ky po duket të jetë një vikend maksimal”, ka shkruar Haliti.

Ministri i Financave, Hekuran Murati, në një postim në Facebook më 22 nëntor 2018 ka shkruar se si Kosova po thyen rekorde vit pas viti në importin e produkteve serbe.

Nuk ka dyshim se sot zoti Murati e ka të vështirë ta rilexojë këtë postim të tij në llogarinë e tij në Facebook në kohën kur Kosova ka thyer çdo rekord të importeve nga Serbia.

"Me gjasë burdushit iu djegën sehiret.

Se ska qysh me u spjegu ndryshe fakti që përnjëherë të gjithë po deklarohen kundër produkteve serbe, a knej deri dje importi nga Serbia ka thy rekord secilin vit.

Dikush i ka hangër qato pllazma", shkruante ministri Murati në 2018.

Fakti që sot Hekuran Murati mban postin e ministrit të Financave, e bën edhe më të rëndë barrën e përgjegjësisë që rëndon mbi këtë shkrim të tij në atë botë, marrë parasysh rritjen prej 76% të importeve nga shteti serb gjatë vitit 2021.

Analisti Xhevdet Pozhari ka shkruar një status, duke treguar se një zëvendësministër i Qeverisë Kurti e ka kërcënuar.

“Ti më për mu kurrë nuk guxon me shkru”, ka shkruar Pozhari, duke cituar zëvendësministrin.

Postimi i plotë:

Profesori i filozofisë, Blerim Latifi, ka reaguar në lidhje me shkrimet se këtë vit do të liberalizohen vizat nga Bashkimi Evropian. 

Sipas Latifit, BE dhe lajmërimet e saj për liberalizimin e vizave po i ngjajnë më tepër përrallës së çobanit gënjeshtar.

"Bashkimi Europian nga viti në vit po na gënjen se tash do të liberalizohen vizat, por kur po vjen çasti i vendimit, e tëra po del një gënjeshtër. Kështu dita kur vërtet ky vendimi do të merret, mbase do të jetë ditë e mosbesimit, si ajo e bashkëkatundarëve të çobanit të përrallës", shkroi Latifi në statusin e tij në Facebook.

Postimin e plotë mund ta gjeni më poshtë:

Analisti Avdi Smajljaj reaguar në lidhje me gjendjen politike në vend. Sipas tij Kosova gjendet në një situatë krizë të thellë. 

"Krizë më të madhe për ide, vizion, alternativa, programe, politika, për t'i zgjidhur problemet që kemi, jashtë e brenda, përfshi këtë me të ardhurat e Veteranëve, nuk kemi pasur ndonjë herë", shkruan Smajljaj.

Po ashtu ai pohon se kjo nuk nënkupton që në të kaluarën kemi qenë më të pasur me ide, e as që jemi varfëruar, ose që problemet janë rritur.

Postimin e plotë mund ta gjeni më poshtë: