Profesori universitar, Avdi Smajljaj, përmes një shkrimi në Facebook, ka kritikuar paraqitjen e politikës së jashtme në Kosovë. Sipas tij, politika e jashtme e Kosvës “vazhdon gjumin e thellë”.

“Serbia ia del në politikën e saj të jashtme, edhe perëndimin edhe Rusinë.  Ne kemi prioritete tjera, ka kush punon për neve”, ka shkruar Smajljaj.

Gazetari dhe analisti Valon Syla ka thënë se pa marrëveshje finale në Bruksel mes Kosovës e Serbisë nuk do të ketë liberalizim vizash.

Madje, sipas tij, këtë duhet ta dinë të gjithë, përcjell Gazeta Nacionale.

Përmes një postimi në rrjetin social "Facebook", Syla ka thënë se premtimet e Kurtit që Kosova do të anëtarësohet në BE e NATO janë të kota.

Më poshtë edhe postimi i plotë.

/Nacionale/

Kryeministri i Kosovës, Albin Kurti, e ka quajtur Kosovën “fanar të demokracisë” derisa ka cituar pjesë nga raportet ndërkombëtare në një mbledhje të partisë së tij ku dukej me një çehre shumë të ngrysur. Por, këto deklarime të Kurtit janë kundërshtuar nga ana e Demush Shashës, drejtorit të institutit EPIK.

Shasha ka kontestuar konstatimet e kryeministrit tonë në mënyrë të ashpër.

“Kryeministri Kurti qe disa herë po përdor fjalinë se “Kosova është fanar i demokracisë në rajon” dhe në këtë drejtim citon raportet ndërkombëtare. Por raportet ndërkombëtare nuk janë tavolinë suedeze që të citosh vetëm pjesët që të pëlqejnë. Në fjalët e Franklinit: “Gjysmë të vërtetat janë shpesh rrenat më të mëdha”. -  ka shkruar z. Shasha në profilin e tij në Facebook.

Aktivisti i shoqërisë civile ka përmendur raportin e Freedom House specifikisht e në të cilin “Kosova është larg vendi me demokraci më të dobët në rajon”.

Në pjesën e mëposhtme të statusit të tij, z. Shasha i jep edhe disa këshilla që mund të konsiderohen të vyeshme prej kryeministrit.

Ndërkohë, ky është një tekst i Nacionales në lidhje me deklaratat shumë optimiste të Kurtit dhe çehret e tij aspak optimiste gjatë mbledhjes së sotme.

S T A T U S I I SH A SH Ë S:

Kryeministri Kurti qe disa here po përdor fjalinë se “Kosova është fanar i demokracisë në rajon” dhe në këtë drejtim citon raportet ndërkombëtare. Por raportet ndërkombëtare nuk janë tavolinë suedeze që të citosh vetëm pjesët që të pëlqejnë. Në fjalët e Franklinit: “Gjysmë të vërtetat janë shpesh rrenat më të mëdha”.

Është e vërtet që vitin e kaluar, sipas Freedom House, Kosova ka bërë progres më të madh vjetor në avancimin e demokracisë. Por, po ashtu, sipas Freedom House, Kosova është larg vendi me demokraci më të dobët në rajon. Në skenarin më të mirë, sot Kosova sheh dritën në fund të tunelit të vet demokratik, por kurrsesi nuk mund të jetë fanar demokratik për të tjerë.

Dhe në fund duke lënë raportet ndërkombëtare anash, pse është demokracia e Kosovës fanar për psh Malin e Zi ku gjallëria demokratike brenda një viti prodhoj dy qeveri të ndryshme dhe ku sapo u inaugurua një Kryeministër minoritar? Apo për Maqedoninë e Veriut e cila viteve të fundit jo vetëm kaloj nëpër tranzicion të jashtëzakonshëm demokratik, por edhe vazhdon të këtë një jetë vibrante demokratike?

Prandaj, unë them të lëmë ne rajonin rahat dhe t’i kthehemi vetës e të shohim se si mund sigurojmë se qytetarët e Kosovës kanë arsim dhe shëndetësi më të mirë se qytetaret e Malit të Zi. Prej kësaj njerëz edhe do të kanë hair. Prej pompozitetin dhe narracionit politik nuk do kanë asnjë hair të vetëm.

Aktivisti i Partisë Social Demokrate, Frashër Krasniqi, ka kritikuar Albin Kurti dhe aktivistët për qasjen e tyre.

Duke komentuar një fotografi ku Kurti shihet në një avion të zakonshëm, ai kërkojë vëmendje për këtë veprim, sepse sipas tij, derisa Kurti “ia ka kursyer shtetit 200 euro për një biletë më të lirë”, ai ka bllokuar situatën politike në vend.

“E keni parë që aktivistët e LVV-së duke shpërndarë një fotografi të Albin Kurtit ku duket që është duke udhëtuar me një aeroplan të lirë, biletë të lirë, Easy Jet. Po dojnë me thonë ky e kursen buxhetin e shtetit, këqyre farë kryeministri i mirë koka. Merreni me mend, ia ka kursy shtetit 200 euro, ndërkohë s’paska lidhje që ka shku në Amerikë ka nejt 3 javë, s’e ka prit kurrkush me rëndësi, s’ka mujt me kalu pragun e Departamentit të Shtetit”, shprehu Krasniqi në një video mesazh të publikuar.

Për më tepër, Krasniqi me tutje pohoi se kryeministri nuk është duke vepruar për ta përmirësuar mirëqenien e qytetarëve të vendit.

“Pra, s’ka rëndësi që asnjë send s’o tu e bo Albin Kurti për me rrit cilësinë në arsim, me përmirësu situatën e shëndetësisë. S’ka rëndësi që s’o tu e bo asnjë send për me i përmirësu kushtet e sektorit privat e publik e për me rritë mirëqenien e barazinë. Me rëndësi koka tu qeverisë pastër e pa korrupsion. As këtë s’o tu e bo. Jeni tu e pa që çdo ditë e më shumë po iu dalin aferat korruptive në tana anët”, shtoi ai në të njëjtin vieod-mesazh.

Profesori Avdi Smajljaj ka reaguar pas deklaratës së ministrit të Financave, Hekuran Muratit, në të cilën tha se “si popull jemi mësuar me kriza, i kalojmë më lehtë se popujt e tjerë”.

Smajljaj në reagimin e tij në rrjetin social “Facebook”, tha se ky popull është regjur me pushtetarë jo serioz e se ia del edhe me ministrin Murati, duke lënë të kuptohet që ky i fundit nuk po bën një punë të mirë.

Më poshtë gjeni reagimin e plotë:

Duke shpërndarë një intervistë të ambasadorit italian në Kosovë, ish-ministri i jashtëm, Petrit Selimi, ka shprehur edhe një herë qëndrimin e tij për dialogun Kosovë-Serbi.

Selmi ka shkruar se me dialog, është e vetmja mënyrë që fëmijët të jenë të sigurt nga çdo agresion serb.

“Dialogu i lehtësuar nga BE-ja dhe i mbështetur nga SHBA-ja është e vetmja, e vetmja mënyrë që fëmijët tanë të jenë të sigurt nga çdo agresion nga Serbia. Një marrëveshje në dialog do të sjell njohje nga pesë vendet e BE-së dhe anëtarësim në NATO”, ka shkruar Selimi.

Ndryshe, ambasadori i Italisë në Kosovë, Antonello De Riu, ka thënë se Italia mbështet fuqishëm dialogun ndërmjet Serbisë dhe Kosovës, të lehtësuar nga BE-ja.