Analistja Zana Avdiu ka reaguar edhe një herë në lidhje me vizitën e kryeministrit Albin Kurti në SHBA.

Ajo ka shkruar se ‘toka e premtuar’, siç njihet ndryshe Amerika, e ka mashtruar kryeministrin Kurti dhe se nuk ka çfarë e kthen në Kosovë.

Ish-kryetari i Prishtinës, Shpend Ahmeti, në një postim në Twitter, ka komentuar vizitën e kryeministrit Albin Kurti në Shtetet e Bashkuara të Amerikës.

Ahmeti ka thënë te ketë shpresuar se vizita e Kurtit në SHBA do të ishte një dëshmi e qartë për të gjithë skeptikët lidhur me marrëdhëniet e tij me SHBA-të.

Ish anëtari i Lëvizjes Vetëvendosje tha se deri më tani dëshmi të tilla mungojnë dhe ky është një lajm i keq.

Kam shpresuar se kthimi i KM ne SHBA do të ishte dëshmi për skeptikët në lidhje me marëdhëniet e tij me politikën amerikane. Ndoshta do të ketë takime, por deri tani mungesa e tyre është lajm i keq. Si qytetar i Kosovës kam dëshirë që KM im të pritet në nivelin më të lartë.

— Shpend Ahmeti (@ShpendA) May 16, 2022

Shkrimtari Kosovar Adem Gashi, i cili i ishte bashkuar Lëvizjes Vetëvendosje para katër viteve, ka vendosur të largohet nga subjekti që drejtohet nga Albin Kurti.

Përmes një postimi në Facebook, Gashi është përshendetur nga VV-ja me një shprehje spanjolle.

“Ditë e bukur sot për t’i thënë lamtumirë VV-së pas katër viteve. Adios!”, ka shkruar Gashi.

Deputeti i VV-së, Jahja Kokaj, përmes një postimi në Facebook, ka shpërndarë disa fotografi me disa miq të tij në Bajram Curr.

Deputet i Kuvendit të Kosovës, shumë lehtë mund të mos gjendej fare në këtë ndejë, por në Paris, duke kërkuar për një konferencë e cila me gjasë nuk ekzistonte fare.

Kjo mund t’i kishte ndodhur Jahja Kokajt, që për shkak të një pakujdesie për pak u turpërua.

Deputeti i Lëvizjes Vetëvendosje, Jahja Kokaj, duket se ra pre e një mashtrimi, duke mos verifikuar detajet e një ftese false.

Nuk shkoi shumë kohë e gëzimi iu pre në gjysmë shkencëtarit të Vetëvendosjes.

Kokaj e fshiu postimin e tij, duke konfirmuar heshturazi se ishte ftuar në një konferencë që nuk ekzistonte.

Analisti Xhevdet Pozhari ka kritikuar Qeverinë Kurti II, e cila e ka paraqitur si ukses punën praktike për 10 mijë të rinj.

Ai ka thënë se nuk po e kupton se ku është suksesi.

Tutje, Pozhari ka thëën se të tilla shfrytëzimë kanë ndodhur më herët edhe gjatë qeverisjes së ish-kryeminsitrit Ramush Haradinaj.

Kryeministri i Kosovës, Albin Kurti, i cili po qëndron për vizitë në Shtetet e Bashkuara të Amerikës, ka pasur edhe shumë takime me komunitetit shqiptar atje.

Gjatë një parakalimi me veturë, kryeministri i Kosovës ka marrur edhe mesazhe nga kosovarët që jetojnë në ShBA.

“Kryeministër, fshisën mos e harro”, dëgjohet një qytetar teksa i drejtohet Kurtit – në një video të shpërndarë nga aktivisti i Lëvizjes Vetëvendosje, Egzon Azemi.

Një kërkesë për KM @albinkurti nga një qytetar gjatë vizites në Amerikë.

Perlë ❤️ #fshisa 🧹 pic.twitter.com/YK1fxD0dsn

— Egzon Azemi (@egzonazemii) May 16, 2022

Analisti Valon Syla ka reaguar përsëri rreth vizitës së kryeministrit Albin Kurti në Shtetet e Bashkuara të Amerikës.

Syla ka shkruar se dikush duhet t’i tregojë Kurtit që të kthehet në Kosovë, teksa ka shtuar se shefi i ekzekutivit nuk do të kthehet pa ndonjë takim të madh.

“Thikat mbi hartën e Kosovës” – ishte arsyeja e gjetur e Kurtit pse nuk shkoi në Shtëpi të Bardhë në mandatin e parë si kryeministër.

E tash kur e ka krejt pushtetin dhe është bërë prapë kryeministër, nuk po i mjafton që të futet në Shtëpi të Bardhë në Uashington për ta takuar këdo qoftë.

Njohësi i çështjeve politike, Petrit Zogaj, i tha Krutit se thikat janë hequr derisa po qëndron në SHBA, kështu që mund të shkojë në Shtëpinë e Bardhë.

Në Kosovë u raportua se Kurti do të takohet me Kamala Harris, megjithatë zëvendës-presidentja sot ështe nisur për në Emiratet e Bashkuara Arabe.

Dikush duhet me i kallxu KM Kurtit qe ne Shtepine e Bardhe i kishin hequr te gjitha thikat derisa te perfundon vizita e tij ne US, keshtu qe mundet me shku :P

— Petrit (@PetritZogaj) May 16, 2022

Derisa Kurti po sillet nëpër SHBA, rëndësia e tij në Kosovë po vihet në pikëpyetje.

Gazetari Mirena ka thënë se nuk po u hetuaka mungesa e Kurtit.

Kjo për shkak se mbledhjen e qeverisë sot e ka udhëhequr zëvendësi i Kurtit, Besnik Bislimi.

Tabori i PSD-së po e akuzon VV-në për keqpërdorim pushteti, meqë qeveria po i çon këshilltarët e vet për t’u shkolluar në shkolla prestigjioze me para të shtetit.

Arsyetimi i Nushit të PSD-së ka të bëjë me faktin se këshilltarët e qeverisë kanë pozita politike me karakter të përkohshëm, dhe s’kanë kontrata të përhershme.

Tutje, Nushi tha se këta njerëz nuk ju shërbejnë institucioneve, por shefave të tyre.

Java e Milaim Zekës ka filluar me nervozë, kjo pasi ka marr vesh për lajmin që raportuan mediat se një rreshter ka rrahur të dashurën e tij police.

Gazetari Zeka na tregon se ky rreshter e rrahu të dashurën police vetëm se kjo ishte lidhur me një djalë tjetër.

Sipas Zekës, rreshteri ka menduar që edhe nëse ndahet me policen, kjo e fundit duhet të rrijë e vetmuar.

“Çudia e madhe zgjat tri ditë” – shprehja e tillë zë vend në shoqërinë kosovare dhe argument për këtë është skandali i ambasadorit të Kosovës në Kroaci, Martin Berishajt.

Për të na e rikujtuar se skandali është i paarsyeshëm, Parim Olluri po shkruan në facebook.

Sot, Olluri e rikujtoi skandalin me arsyetimin se disa gjëra po harrohen.

Të punosh dhe të udhëtosh në tokën e mundësive, me të vërtetë është një mundësi e mirë, të cilën studentët në Kosovë e shfrytëzojnë shpesh përmes agjencive të ndryshme.

Jo si student, por si kryeministër, Albin Kurti sipas Nol Nushit, po shëtit në Shtetet e Bashkuara të Amerikës.

Në një shkrim Nushi pyeti se për sa muaj e ka kontratën kryeministri në “work and travel”.

Kryeministri ynë i majtë prej se ka udhëtuar drejt SHBA-së ka zhvilluar takime me gjigantët e teknologjisë, si Microsoft, kompani që shpesh kritikohet për shkeljen e të drejtave të punëtorëve.

Në anën tjetër është kritikuar se nuk po zhvillon takime të karakterit diplomatik.

Analisti i politikës, Ilir Mirena, ka komentuar një garë që po bëhet se kush nga kryeministrat e Kosovës ka qëndruar më gjatë në Amerikë.  

Mirena më shumë është marrë me ministrin e Shëndetësisë, Rifat Latfin, i cili tash e sa kohë po qëndron në SHBA dhe sipas tij, Laifi po ‘shtyhet’ me Kurtin se cili po rri më gjatë atje.

Më tej, sipas Mirenës, derisa të kthehet në Kosovë ministri Latifi “ka mundësi që asnjë mjek s'e gjen ksajde”.

Shkrimi i plotë i z. Mirena:

Ministri i Shendetesise ende ne ShBA…

Po get po shtyhen me shefin e tij, Kurtin, se kush po rrin me gjate… Ka mundesi qe deri t’kthehet asnje mjek se gjen ksajde.

Perndryshe, me mire le t’rrin krejt atje. Si ke ksajde, si s’ke, s’hetohet sen…

Ish-ministri i Punëve të Jashtme, Enver Hoxhaj, ka komentuar deklaratën e përbashkët të shteteve përbërëse të G7, që Kosova dhe Serbia të angazhohen në gjetjen e një zgjidhjeje të përbashkët për një marrëveshje gjithëpërfshirëse.

Hoxhaj ka thënë se deklarata e G7-ës mbështeti Kosovën dhe goditi Serbinë, mirëpo sipas tij, as Presidenca e as Qeveria e Kosovës nuk thanë asnjë fjalë.

Ai ka thënë se krejt vendimet për Kosovën janë marrë nga grupi i G7.

“Deklarata e tyre e së shtunës tregon se është shansë për të arritur marrëveshjen e njohjes së ndërsjellë dhe anëtarësimin në OKB! Heshtja e Presidencës dhe Qeverisë tregon se kanë problem me orientimin në kohë dhe hapësirë dhe politika e tyre e jashtme është politikë e rënies së lirë!”, ka shkruar Hoxhaj në profilin e tij në Facebook.

Shkrimi i plotë i z. Hoxhaj

Deputeti i Levizjës Vetëvendosje, Gazmend Gjyshnica, në një postim në Facebook ka komentuar vizitën e kryeministrit Kurti në SHBA.

Gjyshnica duket se e ka parë me një këndvështrim krejt ndryshe vizitën e Kurtit në Amerikë.

Gjyshnica ka thënë se ajo çka po bën kryeministri Kurti është shumë përmbajtësore, duke i vendosur marrëdhëniet në një stad tjetër me Shtetet e Bashkuara.

Deputeti shkon edhe më tej, duke thënë se kjo përkon në mënyrë brilante edhe me transformimin ideor që po përjeton politika dhe shoqëria amerikane viteve të fundit.

Postimi:

Ish-anëtari i Lëvizjes Vetëvendosje, Ajvaz Berisha, i cili në vitin 2018 kishte aderuar në VV, si duket është thellësisht i penduar për kalimin e tij në këtë subjekt.

Ajvazaj tashmë nuk e kursen gjuhën e ashpër ndaj Kurtit, i cili në atë kohë e priti krahëhapur bashkangjitjen e tij në parti.

Në një postim të avokatit Xhevdet Smakiqi, i cili thotë se kryeministri Kurti rrezikon raportet speciale me Amerikën, ka komentuar edhe ish-anëtari i VV-së, Ajvaz Berisha.

“Paqavër është ky mashtrues”, i thotë Berisha Kurtit në postimin e Smakiqit.

Ajvaz Berisha, i njohur si komandant “Tigri” shpeshherë ka qenë i përmendur në lidhje me vrasjen e ish-ushtarit të UÇK-së, Bedri Curri, gjë të cilën Berisha e kishte mohuar.

I pyetur për të kaluarën e Berishajt, Kurti kishte thënë se "Për të kaluarën nuk mund të garantoj për njerëzit se çfarë kanë bërë në jetët e tyre në hollësi”.