<b></b> Temperaturat mbi 40 gradë në Indi, shpërthen zjarr i madh në Delhi

Temperaturat mbi 40 gradë në Indi, shpërthen zjarr i madh në Delhi

27.04.2022 21:28

Temperaturat në Delhi pritet të arrijnë në rreth 44 gradë Celsius deri të dielën. Ndërkohë që, një zjarr i madh ka shpërthyer në një deponi të madhe mbeturinash në veri të qytetit.

New Delhi u përfshi nga një valë të nxehti të mërkurën, ndërsa Kryeministri Narendra Modi paralajmëroi për mundësinë e më shumë zjarreve pasi vlera e merkurit u ngjit më herët se zakonisht në të gjithë vendin.

"Ditët e fundit, ne po shohim incidente në rritje të zjarreve në vende të ndryshme - në xhungla, ndërtesa të rëndësishme dhe në spitale," tha Modi.

Shtetet tipike të lagështa indiane lindore janë goditur rëndë, me temperatura mbi 43 Celsius. Ndërsa sipas shkencëtarëve të klimës, vala e të nxehtit është me siguri pasojë e ndryshimeve klimatike.

"Rrallëherë ndodh që pothuajse i gjithë vendi ... po rrotullohet nën [një] valë të nxehti," i tha agjencisë së lajmeve Reuters hidroklimatologia Arpita Mondal në Institutin Indian të Teknologjisë në Bombai.

Nxehtësia mund të përkeqësohet gjithashtu nga ndotja urbane, me karbonin e zi dhe pluhurin që thithin rrezet e diellit dhe ngrohin më tej qytetet.

India është veçanërisht e ndjeshme ndaj efekteve të ndryshimeve klimatike. Një raport historik i Panelit Ndërqeveritar për Ndryshimet Klimatike paralajmëroi në shkurt se me vetëm 1.5 C ngrohje, temperaturat mund të presin një përsëritje vjetore të valës së të nxehtit të vitit 2015, në të cilën temperaturat arritën në 44 gradë Celsius dhe mijëra njerëz vdiqën.

Tjera nga autori:
1