<b></b> Zelensky: Po të kishim armë më të mira, do ta kishim përfunduar luftën

Zelensky: Po të kishim armë më të mira, do ta kishim përfunduar luftën

20.04.2022 08:11

Në një adresim të ri para popullit të tij, presidenti ukrainas, Volodymyr Zelensky, tha se nëse Ukraina do të kishte armë më të mira, të krahasueshme me ato që i përdor Rusia, tashmë do ta kishte përfunduar luftën.

“Në të gjitha intervistat dhe bisedat e mia me udhëheqësit e botës demokratike, është e padrejtë që Ukraina ende detyrohet ta kërkojë atë që partnerët e kanë mbajtur në depo me vjet”, tha ai.

Sipas tij, nëse këto shtete i kanë armët dhe municionin për të cilat ka nevojë Ukrainë, është detyrë e tyre morale që të ndihmojnë për ta mbrojtur lirinë dhe për ta shpëtuar jetën e mijëra ukrainasve.

Ai shtoi se nëse vendi i tij do t’i marrë armët që i janë premtuar në javët e ardhshme, do ta shpëtojë jetën e mijëra njerëzve, raporton televizioni “BBC”.

Zelensky gjithashtu tha se intensiteti i të shtënave ruse në Kharkiv dhe në rajonin e Dnipropetrovskit është rritur, duke i vënë në shënjestër edhe strukturat civile.

“Fati i dhjetëra mijëra banorëve të Mariupolit, që janë vendosur në territoret e kontrolluara nga Rusia, nuk dihet”, tha Zelensky.

Deklarata e tij erdhi pasi Ministria e Mbrojtjes e Rusisë ka lëshuar një ultimatum të ri për trupat ukrainase në Mariupol që t’i ulin armët.

Tjera nga autori:
1