<b>Banka Botërore </b> thotë se Ukraina ka pësuar dëme prej 60 miliardë dollarësh

Banka Botërore thotë se Ukraina ka pësuar dëme prej 60 miliardë dollarësh

21.04.2022 23:42

Presidenti i Bankës Botërore, David Malpass, tha se Ukraina ka pësuar dëme në vlerë rreth 60 miliardë dollarë në ndërtesa dhe infrastrukturë që nga pushtimi i Rusisë dhe kostoja do të rritet më shumë ndërsa lufta vazhdon.

Malpass foli për nevojat e ndihmës financiare të Ukrainës duke thënë se vlerësimi i hershëm i kostove të dëmit nuk përfshin kostot ekonomike në rritje të luftës në Ukrainë.

"Sigurisht që lufta është ende në vazhdim, kështu që këto kosto po rriten," tha Malpass.

Ndërkohë, vlerësimet e Ukrainës për dëmet janë shumë më të larta, ku të hënën ministri i infrastrukturës i Ukrainës, Oleksander Kubrakov tha se vetëm fatura për infrastrukturën tashmë ishte 100 miliardë dollarë, ndërsa zyrtarët thanë se fatura e plotë për dëmet, përfshirë ndërtesat, ishte rreth 500 miliardë dollarë.

Kubrakov tha se 30 për qind e të gjithë infrastrukturës së Ukrainës ishte dëmtuar ose shkatërruar, duke shtuar se pret qe vendet perëndimore të mbështesin rindërtimin e Ukrainës, me një pjesë të parave që vijnë nga asetet e ngrira ruse.

Tjera nga autori:
1