<b></b> Franca thotë se Ukrainës mund t’i duhen 15 deri 20 vjet që të anëtarësohet në BE

Franca thotë se Ukrainës mund t’i duhen 15 deri 20 vjet që të anëtarësohet në BE

22.05.2022 16:14

Ministri i Francës për Çështjet Evropiane, thotë se aplikimi i Ukrainës për t’u bashkuar me BE-në nuk mund të finalizohet për 15 ose 20 vjet.

Duke folur në Radio J në Paris, Clement Beaune tha: "Duhet të jemi të sinqertë. Nëse thoni se Ukraina do të bashkohet me BE-në pas gjashtë muajsh, ose një ose dy vitesh, ju gënjeni. Kjo është ndoshta pas 15 ose 20 vjetësh, do shumë kohë."

Komentet e tij ulin shpresat e Volodymyr Zelensky për hyrje të përshpejtuar në bllok në vazhdën e pushtimit të Rusisë.

Beaune përsëriti propozimin e presidentit francez Emmanuel Macron për të krijuar një "komunitet politik evropian" më të lirë që mund të ndihmojë në integrimin e Ukrainës më shpejt, duke shtuar se: "Unë nuk dua t'u ofroj ukrainasve asnjë iluzion apo gënjeshtër".

Por, Zelensky ka hedhur poshtë propozimet e tilla që ai i quajti "kompromise" dhe këmbënguli për një fillim të menjëhershëm të procesit drejt anëtarësimit të plotë në BE.

Beaune tha se propozimi i Macron nuk është "një alternativë ndaj bashkimit me komunitetin politik evropian", duke theksuar se nuk e pengon anëtarësimin e mëvonshëm.

E dijme që aspiratat e Ukrainës për t'u bashkuar me BE-në dhe NATO-n shihen si arsyeja kryesore që presidenti rus Vladimir Putin filloi pushtimin e tij.

Ndërsa, propozimi i “komunitetit politik evropian” nga Macron do të debatohet në një smit të BE-së që do të mbahet në muajin qershor.

Tjera nga autori:
1