<b></b> Gjermania hyn në fazën alarmante të planit emergjent pas pakësimit të gazit nga Rusia

Gjermania hyn në fazën alarmante të planit emergjent pas pakësimit të gazit nga Rusia

23.06.2022 10:46

Gjermania ka hyrë në fazën alarmante të planit emergjent për gazin për shkak të rënies së furnizimit nga Rusia, por ende nuk i ka lejuar kompanitë që të zbatojnë çmime të larta të energjisë ndaj konsumatorëve.

Vendimi, i cili u njoftua nga ministri i Ekonomisë, shënon ndryshim të zymtë sidomos për ekonominë më të madhe evropiane, që ka mbajtur lidhje të forta në fushën e energjisë me Rusinë që nga fundi i Luftës së Ftohtë.

Qeveria e aktivizon fazën e dytë, që ndryshe quhet edhe fazë alarmante, në planit emergjent me tri faza, kur sheh rrezik të lartë për mungesë afatgjate të furnizimit me gaz dhe, në teori, ua lejon kompanive zbatimin e çmimeve të larta ndaj industrisë dhe amviserisë në mënyrë që të ulet kërkesa.

Duke u ballafaquar me pakësim të furnizimit me gaz nga furnizuesja kryesore, Rusia, Gjermania hyri në fazën e parë të planit emergjent në fund të marsit.

Disa shtete evropiane kanë përgatitur një varg masash për t’u ballafaquar me krizën e furnizimit me gaz dhe për t’u përgatitur për dimër, kur rritja e inflacionit do të mund ta sfidonte vendosmërinë e Evropës për mbajtjen e sanksioneve ndaj Rusisë.

Bashkimi Evropian e akuzoi të mërkurën Rusinë për lëvizje mashtruese sa i përket ndaljes së gazit dhe la të kuptohet se do ta shfrytëzojë përkohësisht thëngjillin për ta plotësuar mungesën e energjisë. Rusia ka mohuar se ndalja e gazit ka qenë e paramenduar.

Tjera nga autori:
1