<b></b> Kryeministri i Kanadasë Justin Trudeau rezulton pozitiv me COVID pas samitit të Amerikës

Kryeministri i Kanadasë Justin Trudeau rezulton pozitiv me COVID pas samitit të Amerikës

13.06.2022 20:35

Kryeministri kanadez Justin Trudeau ka njoftuar të hënën se ka rezultuar pozitiv për COVID-19 - përballja e tij e dytë e tij me sëmundjen këtë vit.

Trudeau ishte pjesëmarrës në Samitin e Amerikave në Kaliforni javën e kaluar, ku u takua me Presidentin e SHBA-së Joe Biden dhe liderë të tjerë për të diskutuar çështjet që ndikojnë në rajon.

Sipas Reuters, ai ishte kthyer në Otava ditën e shtunë.

"Unë kam rezultuar pozitiv në testin për COVID-19. Do të ndjek udhëzimet e shëndetit publik dhe do të izolohem. Ndihem mirë, por kjo ndodh sepse kam marrë injeksionet," tha Trudeau në një postim në Twitter, duke u kërkuar të tjerëve të vaksinohen.

“Le të mbrojmë sistemin tonë të kujdesit shëndetësor, njëri-tjetrin dhe veten tonë”, tha ai.

Ditën e premte, Trudeau ishte takuar edhe me Kryetaren e Dhomës së Përfaqësuesve të SHBA, Nancy Pelosi, dhe më vonë kishte marrë pjesë në një drekë të organizuar nga Biden. Megjithatë një zyrtarë nga Shtëpia e Bardhë tha se Biden nuk ishte një kontakt i ngushtë i Trudeau.

Itinerari i Trudeau përfshinte gjithashtu takime dypalëshe me kryeministrin xhamajkan Andreë Holness dhe presidentin e Republikës Domenikane Luis Abinader.

Testi pozitiv i Trudeau vjen vetëm disa ditë pasi qeveria e tij tha se do të pezullonte testimin e rastësishëm të COVID në aeroportet e Kanadasë, në mënyrë që të lehtësoheshin pritjet e gjata.

Liberalët në pushtet janë përballur me kritika për kufizimet e tyre të vazhdueshme pandemike, duke përfshirë ndalimin e njerëzve të pavaksinuar të udhëtojnë me aeroplanë dhe mandatet e vaksinave për nëpunësit civilë federalë.

Tjera nga autori:
1