<b></b> Putini thotë se Perëndimi nuk do të mund të shkëputet nga energjia ruse për shumë vite

Putini thotë se Perëndimi nuk do të mund të shkëputet nga energjia ruse për shumë vite

09.06.2022 22:29

Presidenti rus Vladimir Putin thotë se Perëndimi nuk do të jetë në gjendje të shkëputet nga nafta dhe gazi rus për disa vite.

Presidenti rus ka shtuar se askush nuk e di se çfarë mund të ndodhë deri në atë kohë, kështu që kompanitë ruse nuk do të "betonojnë puset e tyre të naftës”.

BBC shkruan se, deklarata e Putinit vjen pasi një zyrtar amerikan pranoi se fitimet ruse nga energjia mund të jenë më të larta tani sesa ishin para luftës.

BE aktualisht importon rreth 40% të gazit të saj nga Rusia, e ndërsa është zotuar të zvogëlojë varësinë nga nafta ruse me 90% deri në fund të vitit 2022, nuk ka pasur ndonjë vendim për gazin, kurse SHBA ka vendosur një embargo për të gjitha produktet ruse të energjisë, si ndëshkim për pushtimin e Ukrainës.

Por, pavarësisht reduktimit në furnizimin e përgjithshëm, rritja e çmimeve globale të naftës dhe gazit do të thotë se fitimet ruse mund të jenë rritur muajt e fundit.

“Vëllimi i naftës po zvogëlohet në tregun botëror, por çmimet po rriten”, tha presidenti Putin, duke shtuar se fitimet e kompanisë po rriten.

Presidenti rus foli të enjten gjatë një pjesëmarrje në një ekspozitë në Moskë kushtuar 350 vjetorit të lindjes së monarkut rus Pjetri i Madh.

Sundimtari i shekullit të 18-të luftoi një luftë të gjatë territoriale kundër Suedisë, të cilën Putin dukej se e krahasonte me pushtimin e tij në Ukrainë.

Tjera nga autori:
1