<b></b> Rumania mbështet procesin e shpejtë të pranimit në NATO për Finlandën dhe Suedinë

Rumania mbështet procesin e shpejtë të pranimit në NATO për Finlandën dhe Suedinë

16.05.2022 10:50

Rumania është "fuqishëm" në favor të një procesi "të shpejtë" pranimi si për Finlandën ashtu edhe për Suedinë, pasi anëtarësimi i këtyre dy shteteve do të forcojë NATO-n, ka thënë të dielën Ministri i Jashtëm, Bogdan Auresku.

Në deklaratën e tij, ai foli për mbështetjen e fortë të Rumanisë për politikën e "Dyerve të Hapura" që ai tha se sjell shumë përfitime për Aleancën. Më tej, ai vuri në dukje se sa i rëndësishëm ishte procesi i anëtarësimit në NATO për reformën në vend.

“Në të njëjtën kohë, pranimi i këtyre dy shteteve do të forcojë Aleancën në tërësi dhe ne besojmë se nëse Suedia dhe Finlanda bëhen anëtarë të aleancës, qëndrimi i parandalimit do të jetë më efikas dhe mbrojtja do të forcohet. Kështu që, në tërësi, NATO do të bëhet më e fortë”, tha Aurescu.

Në lidhje me ngritjen e "një sërë çështjesh" nga Turqia, anëtare e NATO-s, Auresku tha se shpresonte se situata do të zgjidhej me dialog të drejtpërdrejtë midis tre vendeve – Turqisë, Finlandës dhe Suedisë.

“E kuptova shumë mirë se cilat ishin shqetësimet e Turqisë. Ishte një shkëmbim mendimesh me kolegët tanë nga Finlanda dhe Suedia, kështu që ne kemi qëndrimet e të dyja palëve, dhe tashmë ka pasur kontakte mbrëmë dhe diskutime për progres të mëtejshëm”, ka thënë ministri i Jashtëm, shkruan Euractiv.

Sipas tij, NATO nuk duhet të humbasë momentin.

Tjera nga autori:
1