<b></b> Trupat ukrainase ankohen për mungesë të përkrahjes

Trupat ukrainase ankohen për mungesë të përkrahjes

27.05.2022 13:11

Që nga fillimi i luftës në shkurt, njëri nga narracionet më dërrmuese në mediet perëndimore ka qenë morali i ulët i ushtrisë ruse.

Në anën tjetër, forcat e armatosura të Ukrainës janë portretizuar si shumë të motivuara për të luftuar që ta mbrojnë vendin.

Megjithatë, kjo mund të mos jetë pamja e plotë e situatës. Në një artikull të publikuar në gazetën amerikane, “Washington Post”, dy oficerë që udhëheqin një grup vullnetarësh i treguan shqetësimet e tyre për mungesën e përkrahjes nga komandantë të lartë në vijën e frontit.

Komandanti i kompanisë, Serhiu Lapko, tha: “Komanda jonë nuk merr përgjegjësi. Ata vetëm i marrin meritat për arritjet tona. Nuk ja japin përkrahje.”

Ata po refuzojnë që t’i vazhdojnë luftimet dhe ballafaqohen me arrestim e gjyq ushtarak. Vullnetarët thonë se po refuzojnë që të shërbejnë, sepse nuk kanë komandantë, pajisje dhe respekt.

“Jemi duke pritur përforcime qe dy javë. Po dërgohemi te vdekja e sigurt”, tha një ushtar vullnetar.

Rastet e refuzimit të vullnetarëve ukrainas për të luftuar kanë qenë të rralla. Një grup tjetër i luftëtarëve nga batalioni i njëjtë publikoi një video, duke i përshkruar kolegët si dezertor që i kanë braktisur bashkëluftëtarët./Nacionale

Tjera nga autori:
1