Zelensky viziton qytetin jugor të Mykolaivit
Presidenti ukrainas, Volodymyr Zelensky kreu një tjetër vizitë në qytetin jugor Mykolaiv.
Këtë e konfirmoi zyra e tij, raportoi BBC.
“Presidenti inspektoi ndërtesën e administratës shtetërore rajonale të Mykolaiv, e cila u shkatërrua si rezultat i një sulmi raketor nga forcat ruse”, u tha në deklaratën gjegjëse.
E njëjta zyrë nuk informoi për detaje shtesë, si kohën e vizitës.
Kujtojmë se në muajin mars, një raketë ruse dërmoi ndërtesën e administratës shtetërore rajonale në këtë qytet, ku si pasojë humbën jetën 37 persona.
Pikërisht në fillim të atij muaji, forcat ruse arritën në periferi të Mykolaivit, por që më pas u kthyen në lindje e jug.
Në këto pozicione, pra në jug e lindje luftimet mes palëve po vazhdojnë edhe më tutje.
