<b></b> Babai rreh vajzën në mes të Prishtinës (Video)

Babai rreh vajzën në mes të Prishtinës (Video)

22.06.2022 19:18

Një burrë është parë duke rrahur një vajzë të mitur gjatë ditës së sotme në njërin nga parqet e kryeqytetit, përkatësisht në pjesën e njohur si “Tokbashqe”.

Lexues të gazetës Nacionale, kanë dërguar pamje të rënda nga kjo ndodhi.

Në videon e siguruar, vajza e cila goditet disa herë duket se thotë “baba”, duke iu përgjëruar që të ndalojë.

Përpos dhunës së ushtruar, e mitura vazhdon t’i shkojë pas babait dhunues.

Detaje të tjera rreth rastit nuk janë bërë ende me dije.

Policia e Kosovës e kishte arrestuar të dyshuarin, por pasi e kishte intervistuar atë, e liroi në procedurë të rregullt.

"Është arrestuar i dyshuari mashkull kosovar, pasi që ka kryer veprën penale të lartëcekur. Lidhur me rastin është kontaktuar dhe QPS, në konsultim me prokurorin i dyshuari pas intervistimit është liruar në procedurë të rregullt", thuhet në raportin e Policisë.

Më poshtë mund të gjeni videon:

Paralajmërim - PAMJE TË RËNDA

 

Tjera nga autori:
1