<b></b> Ndeja anti-Kurti dhe mbledhja e dy qeverive me moton “të përbashkuar”

Ndeja anti-Kurti dhe mbledhja e dy qeverive me moton “të përbashkuar”

20.06.2022 08:09

Qëndrimet e ndryshme të dy kryeministrave, atij të Shqipërisë, Edi Rama dhe të Kosovës, Albin Kurti, për njër-tjetrin dhe për nisma rajonale, si Ballkani Hapur, e edhe çështje të tjera, janë veç disa nga dallimet, që në esencë shpërfaqin raportin ndër-personal mes tyre duke ndikuar edhe në raportet shtetrore.

Tash në krejt këtë, Rama me kabinetin e tij do mbajnë mbledhjen e përbashkët, të tetën me radhë me qeverinë e Kosovës.

Rama erdhi të dielën në Kosovë. Ai vizitoi disa kompani kosovare, teksa rrugëtimin ditor e përmbyllën në mbrëmje me qëndrimin në familjen e ish-presidentit Hashim Thaçi në Burojë.

Në fund, Edi Rama mori pjesë në darkën anti-Albin, që sipas raportimeve ishte inicuar nga Baton Haxhiu.

Mes njerëzve të ftuar në këtë ndejë ishin drejtues mediesh si Arben Ahmeti, Ilir Mirena, Astrit Gashi, Valon Syla, Kushtrim Sadiku, e Leonard Kërquki ndër tjerë.

Në këtë ndejë ishte edhe një gazetar i ri i panjohur për publikun e që punon për një medium të drejtuar nga Baton Haxhiu me emrin Lirim Mehmetaj. 

Po ashtu për këtë ndejë reaguan disa nga pjesëmarrësit dhe disktuimet e tyre pritet të shihen ditëve në vazhdim.

“Të përbashkuar”

Me moton “Të përbashkuar”, sot më 20 qershor 2022, do të mbahet mledhja e radhës mes dy qeverive shqiptare.

Në këtë mbledhje, dy qeveritë pritet të nënshkruajnë marrëveshje në fushën e arsimit, drejtësisë, bujqësisë, infrastrukturës, turizmit dhe sigurisë publike.

Prishtina do të jetë nikoqire, me agjendën tashmë të mësuar edhe nga Nacionale, agjendë të cilën mund ta gjeni mëposhtë.

11.15 – Hapja e sesionit plenar të mbledhjes së dy qeverive Kosovë - Shqipëri

Fjalë e z. Albin Kurti, Kryeministër i Republikës së Kosovës

Fjalë e z. Edi Rama, Kryeministër i Republikës së Shqipërisë

Fjalë të shkurtra nga anëtarë të dy kabineteve për të parashtruar çështjet kryesore dhe marrëveshjet për nënshkrim

12.20 – Prezantimi nga z. Eric SMIT, Drejtor i “Royal Haskoning DHV”

Infrastruktura portuale dhe hekurudhore kombëtare në funksion të tregut të përbashkët kombëtar dhe katër lirive ekonomike: Projekti i Portit të ri tregtar në Porto Romano, integrimi me hekurudhën Durrës - Prishtinë, dhe Porti i thatë në Kosovë.

12.30 – Ceremonia e nënshkrimit të marrëveshjeve ndërqeveritare

12.45 – Konferencë e përbashkët për shtyp e dy Kryeministrave

Ndërkohë, këto mbledhje kritikohen pasi marrëveshjet që nënshkruhen aty, marrin shumë kohë që të praktikohen e të prekën nga ana e qytetarëve.

Kujtojmë gjithashtu se mbledhja paraprake mes dy qeverive aktuale u mbajt më 26 nëntor në Elbasan, ku u nënshkruan disa marrëveshje, e të cilat i keni të listuara më poshtë.

Marrëveshjet e përbashkëta të nënshkruara:

  1. Protokoll bashkëpunimi ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për krijimin e Sekretariatit Koordinues Ndërqeveritar.

 Nënshkruesit: Edi Rama dhe Albin Kurti

  1. Marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për zbatimin e lehtësirave të ndërsjella në procedurat doganore dhe/ose të kontrollit të hyrje/daljes së mallrave.

Nënshkruesit: Edi Rama dhe Albin Kurti

  1. Marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për lehtësimin e procedurave dhe kushteve për marrjen e leje qëndrimit të përkohshme.

Nënshkruesit: Bledar Cuci dhe Xhelal Sveçla

  1. Marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për rregullat e regjimit të trafikut lokal të kufirit.

Nënshkruesit: Bledar Cuci dhe Xhelal Sveçla

  1. Marrëveshje ndryshuese e Marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për hapjen e pikës së përbashkët të kalimit kufitar Shishtavec (Kukës) –Krushevë (Dragash) midis Republikës së Shqipërisë dhe Republikës së Kosovës.

Nënshkruesit: Bledar Cuci dhe Xhelal Sveçla

  1. Marrëveshje për sigurime shoqërore ndërmjet Republikës së Shqipërisë dhe Republikës së Kosovës.

Nënshkruesit: Delina Ibrahimaj dhe Hekuran Murati

  1. Memorandum bashkëpunimi ndërmjet Ministrisë së Infrastrukturës dhe Energjisë së Republikës së Shqipërisë dhe Ministrisë së Mjedisit, Planifikimit Hapësinor dhe Infrastrukturës së Republikës së Kosovës për ndërtimin e lidhjes hekurudhore Durrës-Prishtinë.

Nënshkruesit: Belinda Balluku dhe Liburn Aliu

  1. Marrëveshje bashkëpunimi ndërmjet Ministrisë së Arsimit dhe Sportit të Republikës së Shqipërisë dhe Ministrisë së Arsimit, Shkencës, Teknologjisë dhe Inovacionit të Republikës së Kosovës në fushën e njohjes dhe njësimit reciprok të diplomave, certifikatave dhe gradave shkencore të lëshuara nga institucionet e arsimit të lartë dhe institucione të tjera të autorizuara.

Nënshkruesit: Evis Kushi dhe Arbërie Nagavci

  1. Marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për ndihmë të ndërsjellë juridike në çështjet civile dhe tregtare.

Nënshkruesit: Ulsi Manja dhe Albulena Haxhiu

  1. Kalendari i përbashkët Kulturor Vjetor Shqipëri-Kosovë, për vitin 2021-2022.

Nënshkruesit: Elva Margariti dhe Hajrulla Çeku

  1. Marrëveshje për bashkëpunim ndërmjet Ministrisë së Kulturës së Republikës së Shqipërisë dhe Ministrisë së Kulturës, Rinisë dhe Sportit të Republikës së Kosovës në fushën e trashëgimisë kulturore dhe muzeve.

Nënshkruesit: Elva Margariti dhe Hajrulla Çeku

  1. Marrëveshje bashkëpunimi në fushën e bujqësisë ndërmjet Ministrisë së Bujqësisë dhe Zhvillimit Rural të Republikës së Shqipërisë dhe Ministrisë së Bujqësisë, Pylltarisë dhe Zhvillimit Rural të Republikës së Kosovës.

Nënshkruesit: Frida Krifca dhe Faton Peci                                                                      

  1. Marrëveshje bashkëpunimi ndërmjet Ministrisë së Shëndetësisë dhe Mbrojtjes Sociale të Republikës së Shqipërisë dhe Ministrisë së Financave, Punës dhe Transfereve të Republikës së Kosovës.

Nënshkruesit: Ogerta Manastirliu dhe Hekuran Murati

Tjera nga autori:
1