Konjufca e Tahiri përplasen për Fondin e Sigurisë: Unë e kam dhënë pagën, kush s'e ka dhënë?
Fondi i Sigurisë i Qeverisë së Kosovës ka përplasur kryeparlamentarin Glauk Konjufca dhe shefin e Grupit Parlamentar të PDK-së, Abelard Tahiri.
Konjufca e pyetur nëse Tahiri ka informacione se ai nuk e ka dhënë pagën për Fondin.
“Ti, kryeministri, të gjithë deputetët, shefja e grupit, kryetari i Kuvendit, të gjithë ju, bëhuni shembull, jepeni pagën, tregoni qysh jeni për fond”, tha Tahiri.
“Z. Tahiri, a ke informata që unë nuk e kam dhënë pagën?”, e pyeti Konjufca, teksa debati vazhdoi tutje.
Ndërsa Tahiri tha se ka deputetë të pozitës e opozitës në baza individuale që kanë dhënë pagën për Fondin.
“Unë për shembull e kam dhënë. A ke informata që s’e kam dhënë?”, e ndërpreu Konjufca.
“Jo, të përmenda si kryetar i Kuvendit”, u sqarua Tahiri.