Agjencia Kundër Korrupsion flet për Nacionale: Çka do të ndodh me deputetin e VV-së, Mirsad Shkreta?

E PËRDITËSUAR (11:40)

Agjencia Kundër Korrupsion ka folur për rastin e vjedhjen e 50 mijë eurove deputeti të Vetëvendosjes, Mirsad Shkreta.

AKK ka bërë të ditur nëse vërtetohet se paratë e vjedhura janë mbajtur kesh nga viti i kaluar mund të konsiderohet shkelje

“Për sa i përket pyetjes tuaj mund të themi se: Fillimisht, më vjen shumë keq që një zyrtar i lartë i Kosovës ka qene viktimë e krimit. Se dyti, raporti i dorëzuar përmes formularit të pasurisë nga deputeti e mbulon periudhën kohore 1 janar-31 dhjetor 2021, ndërsa ngjarja që ju keni permendur ka ndodhur në fund të qershorit 2022, rrjedhimisht krahasimi mund të mos jetë i drejt. Raportimi për pasurinë, të hyrat etj bëhet në vitin 2023. Së treti, në rast që mund të vërtetohet qe të hollat janë mbajtur kesh nga viti i kaluar, dhe nuk janë raportuar, mund të konsiderohet shkelje", ka thënë drejtori mDrejtor i Agjencisë kundër Korrupsionit, Yll Buleshkaj.

Shkreta aspak i shkretë: Mbi 100 mijë euro para të gatshme në banka

Deputeti i Vetëvendosjes, Mirsad Shkreta, është pak i zëshëm në Kuvendin e Kosovës, por tani u bë i njohur edhe më shumë. Shkretës iu vodhën 50 mijë euro para të gashtme dhe 10 mijë euro vlerë e arit.

Mbi 50 mijë euro para të padeklaruara dhe ari në vlerë 10 mijë euro, thuhet se janë vjedhur nga shtëpia e deputetit dhe shumën e parave dhe arit e ka deklaruar vet Shkreta në polici.

Ai ka thënë se krejt kjo shumë e parave nuk ka qenë e tij por edhe baxhanakut të tij.

Por sa është pasuria e tij?

Shkreta merr tri paga nga tri vende të ndryshme të punës.

Prej krejt kësaj, Shkreta në Agjencinë Kundër Korrupsion ka deklaruar pasuri të paluajtshme, katër lokale afariste, një shtëpi dhe një banesë. Vlera e tyre kap shifrën e afër 500 mijë eurove.

Pasuri të luajtshme, Shkreta ka deklarua dy vetura, njëra me vlerë 25 mijë euro.

Po ashtu, deputeti i VV-së ka deklaruar se posedon aksione 50 për qind në Integrident që është në bashkëpronësi me bashkëshorten e tij.

Ndërkaq deputeti që u vodhën 50 mijë euro, ka deklaruar se para të gatshme në banka ka rreth 100 mijë euro në pronësi të tij dhe bashkëshortës.

85 mijë euro para të gatshme ka deklaruar se ka në bankën TEB ndërsa mbi 16 mijë në një bankë në Ferizaj që janë në emër të tij.

Shkreta thotë se ka edhe dy kredi që kapën vlerën e 100 mijë eurove.

Ndërkohë, lajmi për vjedhjen e 50 mijë eurove nuk u raportua fare në raportin 24 orësh të Policisë së Kosovës.

Nacionale ka pyetur Policinë e Kosovës, mirëpo deri më tani nuk ka pranuar përgjigje.

Në anë tjetër zëdhënësja e Prokurorisë Themelore të Prishtinës, Laureta Ulaj, ka thënë se për rastin e vjedhjes së 50 mijë eurove janë ndërmarrë të gjitha veprimet hetimore.

“Rastit te cilit ju keni referuar, ju njoftojme se me urdher te prokurorit kujdestar eshte iniciuar rast ne drejtim te vepres penale "Vjedhja e rende", si dhe ne koordinim me policine jane duke u ndermarre te gjitha veprimet e nevojshme hetimore me qellim te ndriçimit te gjitha rrethanave te kesaj çeshtjeje penale. Rasti eshte ne hetime.”, ka thënë ajo për Nacionale.

Për më tepër, Nacionale ka tentuar të marrë një përgjigje edhe nga Agjencia Kundër Korrupsion për të kuptuar nëse deputeti Shkreta nuk ka deklaruat pasurinë sipas ligjit në fuqi, mirëpo as kjo Agjenicë nuk ka qenë e qasshme në thirrjet e gazetës.

Përndryshe deputeti Shkreta ishte dënuar edhe më parë për mos deklarim të pasurisë gjatë kohës sa ishte asamblist i VV-së në komunën e Hanit të Elezit.

E deklarata e Shkretës se paratë janë edhe të baxhanakut nxiti reagime në rrjetet sociale.

Për rastin në fjalë kanë reagur edhe shumë analsitë.

Ishin Valon Syla, Blerim Latifi dhe Zaba Avdiu që kanë shkruar në lidhje me këtë vjedhe të 50-mijë eurove të deputetit të LVV-së.

Blerim Latifi që ka shkruar një status në Facebook, ku ka ironizuar se punët sekretë shqiptarët i kanë bërë historikisht me baxhanakun.

“O Mirsad Shkreta, po vëlla me pas s’ti len 50 mijë euro te shtëpia, e le mo baxhanaku. Po qysh lihen 50 mijë euro kesh në shtëpi?”, ka shkruar Syla në Facebook.

Përveç reagimeve nga analistët e politikës, edhe deputetët e opozitës nuk ia lanë keq këtij rasti.

Deputetja e AAK-së, Albana Bytyqi e cila përmes një shkrimi në Facebook tha se dikur VV-së iu gjenin gurë e molotovë, ndërsa sot po iu ‘vjedhjen’ mbi 50 mije euro të padeklaruara.

“Çfarë jetë e çuditshme. Dikur Vetëvendosjes iu gjenin gurë e molotovë, mjete këto që i përdornin për kauza të ‘mëdha’, e sot po iu gjinden e ‘vidhen’ mbi 50 mijë euro. Të mos harrojmë, të padeklaruara, CASH. Kryeministër, qysh je? Qysh i ke pasanikët?”, shkroi Bytyçi në Facebook.

Deputeti i LDK-së, Besian Mustafa përmendi parullën e dikurshme të VV-së: ‘Me hajna nuk ka shtet’.

“Mirëmbrëma propaganda VV. Bagjaneqt qysh i keni?Qysh ke ajo “me hajna nuk ka shtet” a? A? A tash ndoshta e keni ndrru’ trakën që keni hypë n’karriga t’lëkurës t’xhipave? A?, ka shkruar Mustafa.

Deri më tani nuk ka të arrestuar për rastin.