<b></b> Ditë zie në botën e futbollit - familja konfirmon vdekjen e agjentit Mino Raiola

Ditë zie në botën e futbollit - familja konfirmon vdekjen e agjentit Mino Raiola

30.04.2022 16:11

Agjenti i famshëm i futbollit, Mino Raiola, ka vdekur në moshë 54 vjeçe. Një gjë të tillë e ka bërë publike vetë familja e tij përmes profilit zyrtar të rrjetit social Twitter.

Ai u raportua që kishte vdekur para dy ditësh nga mediat italiane, por një gjë të tillë më vonë e pati hedhur poshtë vetë i ndjeri Raiola me anë të një shkrese gjithmonë në Twitter.

Mediat më të mëdha italiane dhe ato botërore raportuan të enjten paradite se Raiola vdiq sot në moshën 54-vjeçare.

Por Raiola e ka mohuar lajmin përmes një shkrimi në Twitter.

“Gjendja ime e tanishme shëndetësore për ata që po pyesin: i mllefosur, hera e dytë brenda katër muajve që më vrasin mua. Duket se janë në gjendje edhe të më ringjallin”, shkroi 54-vjeçari.

__________________________________________________________
__________________________________________________________

 

Mediat më të mëdha italiane dhe ato botërore raportuan të enjten paradite se Raiola vdiq sot në moshën 54-vjeçare.

Megjithatë, lajmi nuk ishte konfirmuar nga familja e Raiolës dhe spitali në Milano, ku ai është shtruar kohëve të fundit, e ka mohuar lajmin.

“Ai është në gjendje të rëndë, por ende gjallë”, thuhet në njoftimin e spitalit, sipas mediave italiane.

______________________________________________________
______________________________________________________

Mediat italiane: Vdes Mino Raiola

Ka vdekur Mino Raiola, menaxheri më i famshëm i lojtarëve në botën e futbollit, pas një sëmundjeje të shkurtër.

Ai vdiq të enjten në moshën 54-vjeçare si pasojë e një sëmundjeje të shkurtër, njoftojnë mediat italiane.

Nuk është e qartë se nga çfarë vuante Raiola, por në janar ishte raportuar se ai ishte pranuar urgjentisht në spitalin e Milanos. Këto raportime u mohuan më vonë nga ekipi i tij, i cili kishte këmbëngulur se supermenaxheri ndodhej në spital vetëm për një vizitë procedurale.

Raiola ka qenë menaxheri më i famshëm i futbollistëve në dekadat e fundit, duke i pasur nën menaxhim yjet si Zlatan Ibrahimovic, Paul Pogba, Mario Balotelli, Erling Haaland dhe Matthijs de Ligt.

Ai u lind më 4 nëntor, 1967 në Nocera Inferiore të Italisë, por u zhvendos në Holandë në moshën njëvjeçare.

Babai i tij kishte hapur piceri dhe Raiola kishte vendosur t’iu ndihmonte prindërve duke u përkushtuar si kamerier.

Ai i fliste shtatë gjuhë: holandisht, anglisht, gjermanisht, frëngjisht, spanjisht, portugalisht dhe italisht.

Për punën e tij si kamerier, Raiola njihej me nofkën “kryekuzhinier i picës”, derisa një ditë ai duke qeshur tha: “kurrë në jetë s’kam bërë picë”.

Dashuria për futbollin e shtyu që në moshën 20-vjeçare të bëhej shef i sektorit të rinjve në Haarlem, para se ta merrte rolin e drejtorit sportiv në klubin holandez.

Pasi e themeloi kompaninë e vet, ai nisi të kujdesej për interesat e futbollistëve, duke i marrë nën menaxhim shumë emra të mëdhenj të futbollit evropian dhe shumë talente të reja.  

Tjera nga autori:
1