Këto ishin rezultatet që u shënuan gjatë ditës së sotme:

Malisheva 0-0 Gjilani
Llapi 1-2 Dukagjini (93' Latif Amadu; 10', 72' Ahmed Januzi)
Feronikeli 2-2 Ulpiana (28', 79 Ardi Qorri; 34', 39' Goncalves Junior)

Kjo është gjendja momentale e renditjes tabelare:

Gjatë ditës së nesërme do të zhvillohen dy takimet e mbetura:

13:00| Ballkani - Drenica
13:30| Drita - Prishtina

Trajneri i Gjilanit, Ismet Munishi, është ankuar në orar të ngjeshur të skuadrës së tij, duke thënë se asaj po i bie të luajë më shpesh se ekipet e Premierligës që garojnë në katër fronte.

"Ne i kemi zhvilluar 5 ndeshje brenda 13 ditëve. Luajtëm në mesjavë dhe tash pas dy ditëve. Dy herë kundër një ekipit të fortë si Llapi.

"Kështu nuk ka as në Premierligë. As Manchester City as Chelsea e Liverpooli nuk luajnë kështu shpesh. Pse të luajmë sot e jo të dielën apo të hënën?!

”Dikush t'i ndihmojë Malishevës ta ndërrojë këtë bar, sepse nuk luhet në këtë terren", përfundoi trajneri i Gjilanit, Ismet Munishi.

Kanë përfunduar ndeshjet e sotme në Superligën e Kosovës me këto rezultate:

Malisheva 0-0 Gjilani
Llapi 1-2 Dukagjini (93' Latif Amadu; 10', 72' Ahmed Januzi)
Feronikeli 2-2 Ulpiana (28', 79 Ardi Qorri; 34', 39' Goncalves Junior)

93' GOOOOOOOOOOL!

Latif Amadu ka arritur me sukses ta devijuar topin drejt rrjetës në minutën e 93-të. Ai u gjend fare pranë portës. Pas afro 2 minutash që VAR e kontrolloi aksionin e golit të shënuar, konfirmoi golin.

Llapi 1-2 Dukagjini

79' GOOOOOOOOOOL!

Feronikeli ka arritur ta barazojë rezultatin kur mungojnë 5 minuta nga fundi i ndeshjes. Goditja nga Ardi Qorri jashtë zona u shoqërua me një reagim foshnjarak, shumë të dobët, nga portieri i tretë i shpresave të Kosovës, Drilon Ajeti.

Ky ishte goli i dytë i Ardi Qorrit në këtë ndeshje.

72' GOOOOOOOOOOL!

Ahmed Januzi ka shënuar golin e dytë për Dukagjinin, duke befasuar Llapin.  Me mbrojtjen e vendosur keq nga ekipi vendas, Ahmed Januzi u lirua dhe shkoi përballë portierit kundërshtar, duke e dribluar këtë të fundit, për ta dërguar topin në rrjetë.

75' Llapi 0-2 Dukagjini (10', 72' Ahmed Januzi)

70' Gjatë pjesës së dytë, Gjilani ka filluar të insistojë më shumë në aksionet e saj sulmuese, por pa sukses. Akoma mbetet 0 me 0 rezultati.

Kanë filluar pjesë e dyta në të tri takimet që po ngrenë siparin e javës së 26-të të Superligës së Kosovës

46' Malishev 0-0 Gjilani
46' Llapi 0-1 Dukagjini (10' Ahmed Januzi)
46' Feronikeli 1-2 Ulpiana (28' Qorri; 34', 39' Goncalves Junior)

Kanë përfunduar pjesët e para në tri ndeshjet e sotme që po zhvillohen në Superligën e Kosovës.

45' Malisheva 0-0 Gjilani
45' Llapi 0-1 Dukagjini (10' Ahmed Januzi)
45' Feronikeli 1-2 Ulpiana (28' Qorri; 34', 39' Goncalves Junior)

45' Gjilani nuk po ia del të krijojë raste të volitshme shënimi. Madje, është ekipi vendas ai që po shfaqet në disponim të lartë për lojë. Ndërkohë gjyqtari ka akorduar 2 minuta lojë shtesë.

39' GOOOOOOOL!

Goncalves Junior me anë të një gjysmë parabole ka kaluar Ulpianën në epërsi, duke e përmbysur kështu rezultatin.

Feronikeli 1-2 Ulpiana

34' GOOOOOOOOL!

Goncalves përfitoi nga një gabim në mbrojtjen e ekipit nga Drenasi, duke e shoqëruar topin në rrjetë. VAR konfirmoi që goli ishte i rregullt, përkundër disa dyshimeve.

28' GOOOOOOOOOOL!

Feronikeli ka kaluar në avantazh. Ishte Ardi Qorri ai që goditi nga rreth 30 metra, me një predhë të vërtetë, ku goditja e tij e furishme tundi portën e Ulpianës. 

25' Ende nuk ka gola në ndeshjes mes Malishevës dhe Gjilanit. Për momentin Malisheva po shfaq një dominim të lehtë në këtë takim. Ende nuk u vërejt ndonjë aksion i qartë sulmues nga mysafirët.

10' GOOOOOOOOL!

Ahmed Januzi me një goditje të saktë brenda zonës së rreptësisë, duke u koordinuar me goditje vollej, arriti ta kalojë skuadrën e tij në epërsi. 

Kanë filluar të tri ndeshjet në program për ditën e sotme.

1' Malisheva 0-0 Gjilani
1' Llapi 0-0 Dukagjini
1' Feronikeli 0-0 Ulpiana

Ulpiana ka zyrtarizuar këtë përbërje startuese.

Tahor Batatina ka zgjedhur këtë XI-she.

Dukagjini në anën tjetër do zbret në fushë me këtë formacion.

Malisheva ka zgjedhur këtë XI-she titullare.

 

Ismet Munishi ka zgjedhur këtë XI-she.

Mirë se vini në këtë këtë përditësim të tri ndeshjeve të Superligës së Kosovës që do të zhvillohen sot.

Dita e sotme do ta bëjë akoma më të qartë si garën për titull, ashtu edhe atë për mbijetesë. Gjilani duhet të fitojë nëse dëshiron ta vazhdojë rrugëtimin drejt titullit, Llapin pret fitore për ta rrëmbyer përkohësisht vendin e tretë, ndërsa Ulpiana dhe Dukagjini i kërkojnë pikët për ta kërkuar mbijetesën.