Përpos Këpucës së Artë, dy lojtarë e kanë ndarë edhe çmimin tjetër të rëndësishëm "Doreza e Artë".

Bëhet fjalë për dy brazilianët, Alisson Becker i Liverpoolit dhe Ederson i Manchester Cityt.

Të dy portierët kanë qenë në formë të jashtëzakonshme këtë edicion, shpesh herë duke shpëtuar skuadrën e tyre nga humbjet.

Në 38 ndeshje të zhvilluara në Premierligë, dy brazilianët kanë mbajtur plotë 20 herë portën e paprekur.

Dy yjet Mohamed Salah i Liverpoolit dhe Heung-min Son i Tottenhamit kanë ndarë Këpucën e Artë për sezonin 2021/22.

Të dy lojtarët kanë shënuar nga 23 gola këtë edicion, andaj me plotë meritë edhe morën Këpucën e Artë.

Për dallim nga Son, Salah mori edhe një tjetër trofe individual, që ishte për më së shumti asistime në Premierligë.

Me 13 të tillë, mund të thuhet se ky sezon i takoi egjiptianit edhe pse Liverpool nuk arriti ta fitojë titullin.

Sidoqoftë, Salah mbetet ende në garë edhe për një trofe, që është Liga e Kampionëve, ku në finale do përballen me Real Madridin.

Leeds United ka marrë një fitore të madhe në udhëtim te Brentford, që të sigurojë qëndrimin në Premierligë.

Leeds triumfoi me rezultat të ngushtë 1:2, në një ndeshje mjaftë të tensionuar.

Gelhardt fillimisht kaloi mysafirët në epërsi pas 19 minutave lojë, por që goli pastaj u anulua për pozitë jashtë loje.

Raphinha u tregua i saktë nga pika e bardhë që t'i jep avantazhin Leeds.

Brentford pastaj u këndell duke barazuar përmes Canos, që u asistua nga Wissa (78').

Sidoqoftë, në minutën e fundit, Harrison gëzojë të gjithë tifozët e Leeds duke vulosur fitoren dhe njëkohësisht qëndrimin në Premierligë.

Liverpool ka shënuar fitore në shtëpi ndaj Wolves, por të pamjaftueshme për të fituar titullin me Manchester Cityn që fitoi ndaj Aston Villas.

"Reds" fituan në shtëpi me rezultat komod 3:1.

Wolves kaluan fillimisht në epërsi përmes Netos që realizoi pas vetëm tre minutave (3').

Ndërsa, ishte Sadio Mane që barazoi rezultatin pas një asistimi të Thiagos (24').

I inkuadruari, Mohamed Salah vonë riktheu avantazhin e Liverpool (84'), derisa fitoren e vulosi Roberto Firmino (59').

Kështu, Liverpool përfundon si pozitën e dytë me 92 pikë, derisa Wolves si pozitë e 10-të me 51 sosh.

Manchester City ka fituar titullin e Premierligës, me një përmbysje të madhe ndaj Aston Villas.

Edhe pse ishin në disavantazh prej 0:2, "Qytetarët" rikthyen rezultatin në 3:2 që të fitojnë titullin për këtë edicion.

Cash fillimisht vendosi Aston Villan në epërsi pas një asistim të Digne (37').

Ndërsa, ishte Philippe Coutinho që realizoi një gol jashtëzakonisht të bukur që të dyfishojë rezultatin dhe të nis festa te Liverpool (69').

Sidoqoftë, pastaj nisi këndellja e Man Cityt, me Ilkay Gundogan që ngushtoi rezultatin pas harkimit të Sterling (76').

Vetëm dy minuta më vonë, Rodri shënoi nga distanca për të barazuar rezultatin (78').

Ndërsa, fitoren e madhe e siguroi gjermani Gundogan, duke vulosur fitoren pas asistimit të De Bruyne (81').

Me këtë fitore, Man City shpallet kampion në Angli me 93 pikë, derisa Aston Villa e përfundon si pozitë e 14-të me 45 sosh.

Arsenal ka shënuar fitore të thellë në ndeshjen e fundit të këtij sezoni ndaj Evertonit.

"Topçinjtë" fituan me rezultat 5:1 në "Emirates Stadium".

Fillimisht, Gabriel Martinelli kaloi Arsenalin në epërsi pas 27 minutave lojë, duke shënuar nga pika e bardhë.

Ndërsa, pas katër minutave, Eddie Nkeitah realizoi nga afërsia pas një pasimi të Martinellit me kokë (31').

Everton pastaj ngushtoi rezultatin në fundin e takimit përmes Van de Beek, që u asistua nga Calvert-Lewin (45+3').

Sidoqoftë, Arsenal vazhdoi me lojën e bukur edhe në pjesën e dytë, me Cedriz që realizoi të tretin pas harkimit të Sakas (56').

Vetëm tre minuta më vonë, Cedric bëri asistuesin duke harkuar te Gabriel që shënoi me kokë (59').

Fitoren e vendasve e vulosi Martin Odegaard duke shënuar pas asistimit të Pepes (82').

Kështu, Arsenal e mbyll sezonin në pozitën e pestë me 69 pikë dhe edicionin tjetër do marrë pjesë në Ligën e Evropës.

89' GOOOL!

Robertson është gjendur më së miri në brendi të zonës, ku arriti ta fuste topin në brendi të kuadratit, për t'i çuar shifrat në 3:1.

Tottenham është skuadra që do marr pjesë edicionin tjetër në Ligën e Kampionëve, pas fitores së madhe ndaj Norwich Cityt.

Spurs triumfuan me rezultat të thellë 0:5.

Dejan Kuluevski pas 16 minutave lojë kaloi Tottenhamin në epërsi pas një harkimi të Bentacur.

Bentacur asistoi sërish, këtë herë te Harry Kane që dyfishoi rezultatin (32').

Tottenham vazhdoi bindshëm edhe në pjesën e dytë, me Kulusevskin që realizoi gol të bukur (64').

Ndërsa, fitoren e vulosi Heung-Min Son me dy gola të shpejtë (70', 75').

Kështu, Tottenham e mbyll këtë edicion si pozitë e katërt me 71 pikë, derisa Norwich ka 22 pikë në fund.

84' Salah ka arritur ta gjejë golin e epërsisë për Liverpool, për t'i çuar shifrat në 2:1. Kësisoj, ai shkon në shifrën e 23 golave në kampionat.

82’ Goooooooool!

Ka përmbysur gjithçka Manchester City, ku mbrenda gjashtë minutave ka shënuar tre gola.

Ishte përsëri Gundogan, i cili shënoi edhe golin e parë.

Tani qytetarët kryesojnë 3:2, dhe titulli është në dorën e tyre.

79’ Manchester City për tre minuta barazon rezultatin.

Dy gola tepër të shpejtë nga Manchester City për të barazuar rezultatin në Etihad.

Së pari ishte Sterling me një harkim të lartë, ku e gjeti Gundogan i cili nga afërsia shënoi me kokë, e pastaj Rodri për të barazuar.

Rezultati 2:2.

Tottenham është duke u treguar i pamëshirshëm ndaj Norwich Cityt.

Spurs kanë realizuar edhe golin e pestë në takim, sërish përmes Heung-Min Son (75').

71' Hwang ka rrezikuar portën e Alisson sërish, duke goditur jashtë zonës, por portieri brazilian arriti ta largojë rrezikun.

69’ Gooooooool!

Ka shënuar Philipe Coutinho për rezultatin 2:0 ndaj Manchester Cityt.

Ishte Watkins me një asistim me kokë për brazilianin, i cili në ato raste rrallë herë gabon.

Tani rezultati është 2:0 dhe po bëhet gjithherë më e vështirë për Manchester Cityn.

70' Liverpool ka bërë zëvendësimin e rradhës, duke futur në lojë Firminon në vend të Keita.

Tottenham tashmë mund të thuhet se e ka siguruar pjesëmarrjen për Ligën e Kampionëve në edicionin tjetër.

Është Heung-Min Son që realizoi pas një asistimi të Mouras për 0:4.

64' Arnold ka goditur nga distanca, por Ruddy është treguar i vëmendshëm për ta larguar rrezikun nga porta e tij. 

Rezultati vijon të jetë 1:1.

Tottenham ndoshta veçse ka siguruar pjesëmarrjen në Ligën e Kampionëve për edicionin tjetër.

Spurs kanë shënuar edhe golin e tretë kundër Norwich Cityt. Ishte sërish Dejan Kulsevski që realizoi në portën e vendasve, pas një asistimi të Harry Kane (64').

Arsenal ka realizuar edhe golin e katërt ndaj Evertonit.

Ishte Gabriel që shënoi nga afërsia pas një harkimi të bukur të Cedric (59').

58' Egjiptiani Mo Salah është inkuadruar në lojë në vend të Jota, i cili nuk la ndonjë gjurmë në ndeshjen e sotme.

Rezultati mbetet baras 1:1!